Studiuesi dhe arkivisti Kastriot Dervishi publikon një foto të rrallë nga viti 1945, ku shfaqet ish ministri i Luftës në vitet 1922-23, Kolonel Ismail Haki Tatzati i prangosur nga komunistët.
“Ismail Haki Tatzati ish ministri i Luftës në vitet 1922-1923 u arrestua nga komunistët dhe u dënua me vdekje. Fotoja është realizuar nga studio e mirënjohur “Xhimitiku” Berat. Pasi u arrestua ish ministri u iu tregua popullit si “figurë reaksionare”. Tatzati ishte ministër në qeverinë e Xhafer Ylit e më pas të Ahmet Zogut, me të cilin më pas do të bëhej kundërshtar. Gjatë luftës përqafoi idealet e Ballit Kombëtar”, shkruan Dervishi mbi foto
Pushkatimi i tij është bërë në Kalanë e Gjirokastrës teksa Tatzati ishte 81 vjeç.
Në vitin 2009, ministri i mbrojtjes Arben Imami do ti akordonte Gjeneral Ismail Haki Tatzati (pas vdekjes), medaljen “Për Shërbime të Shquara” me motivacion: “Për merita të shquara në ngritjen, reformimin dhe përsosjen e organizimit të armëve e shërbimeve të Ushtrisë Kombëtare Shqiptare”.
© SYRI.net