Lajmi i fundit

LIVE/ Rinis mbledhja e Këshillit Bashkiak në Himarë

‘Kemi kursyer bukë dhe mish derri’/ Ja çfarë i shkruante partisë drejtori kriminel i burgut të Qafë Barit

‘Kemi kursyer bukë dhe mish derri’/ Ja çfarë i shkruante partisë drejtori kriminel i burgut të Qafë Barit

18:52, 23/04/2019
A+ Aa A-

Vuajtjet e shqiptarëve në burgjet e komunizmit kanë qenë aq të mëdha sa vështirë se ka njeri ti përshkruajë, veç atyre që kanë qenë viktima të atij sistemi.

Buka e racionuar deri në kriminalitet ishte menuja e një të burgosuri (kryesisht politik) në regjimin famëkeq. Por mesa duket, pavarësisht vuajtjeve, torturave dhe punës çnjerëzore, ka patur edhe burgje kanë kursyer edhe ushqimet.

Këtë e tregon doikumenti i publikuar nga arkivisti kastriot Dervishi.

Ja çfarë shkruan ai:

Siç dihet në kampe e burgje të burgosurit vuanin për ushqim, në radhë të parë për bukë. Ata kurrë nuk ishin të ushqyer si duhej me bukë, pavarësisht se punonin në frontin e vështirë të minierës. Nëse pyet sot të ish burgosur, mund të ta shprehin fare kollaj këtë gjë. Mirëpo, po të lexosh raportet entuziaste të komandës të repartit nr.311, ndër zërat që janë plotësuar, hyn edhe kursimi i bukës dhe rritja e mishit të derrit nga “ekonomia ndihmëse”. Komandanti i Repartit nr.311 Qafë Bari, Edmon Caja, nuk ka pasur qëllimin të tregohej nikoqir i mirë në këtë drejtim, por t’i thoshte udhëheqjes së Drejtorisë Zbatim Vendime Penale në MPB se ua kish mbledhur të burgosurve edhe te buka duke ua mbajtur atë. Në histori pra, Caja hyn si kursimtar i madh i bukës, ushqimit kryesor të të burgosurve sepse ishte dëgjuar që buka nuk dilte, por që të tepronte e të kursehej, kjo ishte gjetje.

Tregojnë njëherë se kur një i deleguar shkoi në një repart ushtarak, i pyeti ushtarët: “Shokë ushtarë, a ju del buka?”. Ushtarët, të porositur thanë: “Na del e na tepron”. I deleguari vazhdoi: “Po atë që del, ku e çoni”. Dhe ushtarët: “E hamë se nuk na del”.

Konkretisht, në raportin e tremujorit të parë të vitit 1989 midis të tjerash Caja shkruan:

“Efektivi i repartit 311 Qafë Bari, i përfshirë në lëvizjen më të madhe të kohës “Flamurtarë të mësimeve të shokut Enver Hoxha dhe luftëtarë të zbatimit të vendimeve të kongresit të 9-të të PPSH-së, nën udhëheqjen e organizatës bazë të partisë e drejtimin e komandës së repartit, është mobilizuar që objektivat e marra në këtë vit jubilar të 45-vjetorit të çlirimit të atdheut, t’i bëjë realitet.

Punë e mirë është bërë për realizimin e zotimeve të marra në treguesit ekonomikë financiarë, si nga puna në minierë, edhe në vetëfurnizim. Kështu si tremujor, nga 45.000 ton bakër plan, janë realizuar 50.400 ton. Punimet minerare janë realizuar 106%. Cilësia e bakrit 109%...

Nga ekonomia jonë e rritjes së derrit nga 10 kv mish plan, janë marrë 11 kv. Kursime buke janë realizuar 1.6 kv, etj...

Image

 

© SYRI.net

Lexo edhe:

Komentet

Shto koment

Denonco