Ka hapur dyert sot Panairi i 21-të i Librit “Tirana 2018” i cili mbahet në “Pallatin e Kongreseve” në kryeqytet dhe do të zgjasë deri më datën 18 nëntor.
Panairi i Librit, si zakonisht, do të jetë një ngjarje e rëndësishme kulturore për botën shqiptare, jo vetëm brenda kufijve të Shqipërisë, por në gjithë hapësirën shqiptare: Kosovë, Maqedoni, Mali i Zi dhe diasporë.
Mijëra të interesuar, siç duket edhe nga fotografitë, kishin pushtuar sot “Pallatin e Kongreseve” në kërkim të librave të tyre të preferuar
Objekt kryesor i këtij panairi është paraqitja e botimeve më të mira të hedhura në qarkullim vitin e fundit.
Ky panair do të shndërrohet edhe në një panel të rëndësishëm diskutimi për artin dhe kulturën.
Foto janë bërë nga Malton Dibra, LSA
© SYRI.net