Aktori i njohur shqiptar Viktor Zhusti është shfaqur në shoqërinë e regjisorit Bujar Alimani, në një foto të publikuar në “Facebook” nga Varshava. Në postime shfaqen edhe sekuenca nga filmi “Delegacioni” me skenar të Artan Minarollit, që u shfaq si premierë në konkurrencë ndërkombëtare në festivalin Warsaw Film Festival. Në këtë film Viktor Zhusti interpreton personazhin kryesor, që është një intelektual i burgosur, që nuk pranon lojën e pushtetit por preferon sakrificës në vend që të kthehet në vegël të tyre.

Pak nga filmi:

Tetor 1990, regjimi komunist në Shqipëri po përpiqet të mbajë pushtetin. Një delegacion evropian vjen në Tiranë për të monitoruar zbatimin e reformave të qeverisë – një parakusht i madh që Shqipëria të pranohet në OSBE. Leo është marrë fshehurazi nga një burg i largët dhe është sjellë në kryeqytet. Ai ka qenë një i burgosur politik për 15 vjet. Tani ai është bërë jashtëzakonisht i vlefshëm për qeverinë. Delegacioni evropian udhëhiqet nga një shok i shkollës së vjetër të Leos. Detyra e tij është të kontrollojë progresin e të drejtave të njeriut në Shqipëri. Leo mund ta bindë atë se gjithçka është në rregull. Por asgjë nuk shkon siç është planifikuar./Shekulli