Fotografia e mësipërme flet vetë për gjithçka: Ky është momenti kur poeti Xhevahir Spahiu ka mësuar vdekjen e mikut të tij, poetit Fatos Arapi. Fotoja është publikuar nga gazetari Zyltarf Hoxha.

Poeti, prozatori dhe eseisti Fatos Arapi u nda nga jeta sot në moshën 89 vjeçare. Ai është një prej zërave më të rëndësishëm të letërsisë shqipe në gjysmën e dytë të shek. XX, përfaqësues parësor i Brezit të viteve 1960, që modernizoi vjershërimin dhe mjetet e shprehjes letrare në përgjithësi.