Akademia e Shkencave të Shqipërisë ndau dje Çmimin Shkencor për Gjergj Kastriotin – Skënderbeun dhe epokën e tij, veprën më të mirë shkencore nga autorë shqiptarë dhe autorë të huaj, në kuadër të Vitit Mbarëkombëtar të Gjergj Kastriotit – Skënderbeut. Ceremonia u drejtua nga akad. Matteo Mandala.

Veprat fituese ishin:

Fituese e çmimit për veprën më të mirë shkencore kushtuar figurës së Gjergj Kastriotit - Skënderbeut, shkruar nga autorë shqiptarë, u shpall vepra: “Skënderbeu – një histori politike”, e autorit Aurel Plasari.

Fituese e çmimit për veprën më të mirë shkencore kushtuar figurës së Gjergj Kastriotit - Skënderbeut, shkruar nga autorë të huaj, u shpall vepra: “Shqipëria e rigjetur” e autores Lucia Nadin.