Artistët, të mbështetur edhe nga qytetarët, vijojnë protestat kundër prishjes së Teatrit Kombëtar.

Në protestën e rradhës, artistët ripërsëritën kërkesën drejtuar Qeverisë për të mos cenuar territorin e Teatrit  Kombëtar, ndërsa kanë kërkuar ruajtjen e godinës, që sipas tyre mbart vlera.

Alert Çeloaliaj një prej anëtarëve të SASE, tregoi se sindikatat do të bashkohen në një të vetme për të treguar se nuk ka mendime të ndryshme dhe sikur janë të ndarë.

 “Sindikatat do të shkrihen në një sindikatë të vetme. Kjo është e rëndësishme pasi është krijuar një perceptim sikur ka 300 ide dhe 300 endime. Nuk është e vërtetë ka vetëm një qëndrim të të dyja sindikatave”, tha Çeloaliaj.