Teatri Kombëtar, artistët paraqesin projektin e tyre/ Profesori: A shemben teatrot në Danimarkë, e dini se ...

Teatri Kombëtar, artistët paraqesin projektin e tyre/ Profesori: A shemben teatrot në Danimarkë, e dini se ...

19:04, 09/04/2018
A+ Aa A-

Artistët dhe aktorët, që kundërshtojnë prishjen e Teatrit Kombëtar, kanë prezantuar projektin e ri për duke ruajtur godinën ekzistuese dhe kundërshtuar projektin e qeverisë, që parashikon shembjen e saj dhe ndërtimin e një godine të re.

Projekti i prezantuar parashikon një godinë me 4 kate, me të gjitha parametrat , por ka prishur atë aktualen.

“Teatri i rikonstruktuar do jetë me 4 kate dhe do te ketë 2 hyrje. Veshja e jashtme e teatrit do jetë prej metali e xhami.

Kostoja mund të shkojë deri në 10 milionë euro bashkë me rikonstruksionin. Salla do jetë me sistem të kondicionuar dhe me të gjitha parametrat”, thuhet në prezantimin e projektit nga artistët e mbledhur në ambientet e Teatrit Kombëtar.

Profesori Përparim Kabo u shpreh se janë kundër shembjes së godinës së Teatrit, pasi ajo është tempulli i qytetit dhe kultura kombëtare.

“Ju zotëri që na erdhët nga Danimarka, doja t’ju thoja a shemben teatrot në Danimarkë ku Hamleti u shqetësua dhe tha se Danimarka është një burg. Kjo godinë nuk duhet shembur, pasi kjo godinë është tempulli i qytetit dhe kultura kombëtare.

Këtu është memorja kombëtare dhe njerëzit janë bërë më të mirë. A e dini ju zotërinj parlamentarë se çfarë tha një grua që pa një shfaqje këtu: ‘Po ta kisha parë më parë këtë shfaqje nuk do ta kisha vrarë burrin’.

Ju nuk e kuptoni çfarë do të thotë të shembet godina e Teatrit Kombëtar dhe nuk e kuptoni rëndësinë e saj. Nëse kjo godinë shembet, unë e them sot që kjo shembje është bërë nga ministrja Mirela Kumbaro dhe kryeministri Edi Rama. Projekti që na u paraqit sot ishte një vlerë kombëtare, ku ruhen godinat e ekzistuese”, tha Kabo.

     

    © SYRI.net

    Lexo edhe:

    Komentet

    Shto koment

    Denonco