VIDEO/ Flamurtari me 10 lojtarë fiton me përmbysje ndaj Lushnjës
Flamurtari ka marrë fitoren e parë në këtë sezon të Kategorisë Superiore duke mposhtur në javën e dytë Lushnjën në ndeshjen e luajtur në “Adush Muça” të Ballshit. Vlonjatët mbetën me 10 lojtarë në minutën e 24-t të takimit kur Ditmar Bicaj u ndëshkua me karton të kuq sepse ofendoi arbitrin.
Në minutën e 31-të Gava kaloi Lushnjën në avantazh, por Flamurtari arriti të barazonte shpejt, në minutën e 38-të me anë të Alveshit. Në të 43-tën Bushiç përmbysi rezultatin, ndërsa në pjesën e dytë, në minutën e 77, Musta vulosi fitoren.
Pas dy javësh kampionat, Flamurtari numëron 3 pikë, ndërsa Lushnja 0.
Të dielën luhen:
16:00 Laci - Luftetari
19:00 Vllaznia - Teuta
Të hënën luhen:
16:00 Kamza - Skënderbeu
19:00 Partizani - Kukësi