Ja sa miliona Euro fitoi Skënderbeu pas kualifikimit në grupet e Europa Leagues
Sot në mbrëmje starton kompeticioni i dytë më i rëndësishëm evropian në rang klubesh.
Pa dyshim e gjithë vëmendja në Shqipëri do të përqendrohet në ndeshjen mes Dynamo të Kievit dhe Skënderbeut të vlefshme për fazën e grupeve në Europa League.
Kujtojmë që deri më tani, klubi korçar ka arkëtuar 3 milionë e 275 mijë euro pas suksesit në Ligën e Europës, duke kaluar katër ture radhazi.
Korçarët eliminuan fillimisht klubin nga Andorra, San Hulia, e më pas kazakët e Kairat Almatit, çekët e Mlada Boleslav, si dhe në fazën “play-off”, klubin gjigant të Kroacisë, Dinamo Zagrebin.