Tani është Besa

Nga Lutfi Dervishi 

Për shqipe e flamingo ja ku mbërriti ftesa

Ngrysuni ju sorra se ka mbërritur BESA

Zhgënjyer nga ëndrrat dhe nuk ke më shpresa?

Gëzohu o i "vrarë" është rikthyer BESA

Harrove premtimet, të ka lënë kujtesa

Mos e vrit mendjen, tani është BESA

Jeni plot mëri, ke dhjetëra ankesa?

Problemet tak - fak do t'i zgjidh BESA

Telashe me reforma, me ligje e shkresa

Qenke lodhur kot, tani mjafton BESA

Euro përpëlitet ia merr leku në kthesa

Mos pyet bankierët, këtë e di BESA

Krimet si Jezerca, SPAKU s'gjen adresa

Të keqen tani do ta luftojë BESA

Çmimet në qiell nuk bën dot pagesa

Mos i shih faturat se paguan BESA

Në tokën e gjyshit të kërkohet pjesa,

Paketën e maleve do ta plotësojë BESA

Edhe këta flamingot i kanë 5 kërkesa

Mbylleni pra protestën, tani është BESA

Mbi barin e çunave paska rënë vesa

Dhe çunat po pyesin: sa do zgjasë BESA?