Aksident i rëndë në aksin Elbasan-Rrogozhinë, humb jetën 73-vjeçari

Një aksident i rëndë është regjistruar mëngjesin e kësaj të premteje në aksin nacional Elbasan-Rrogozhinë, pranë fshatit Përparim.

Si pasojë e përplasjes, sipas raportimeve ka humbur jetën shtetasi Agim Hoxha 73 vjeç.

Paraprakisht dyshohet se i moshuari ka pësuar dëmtime të rënda, të cilat i kanë shkaktuar vdekjen.

Në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e rrethanave të aksidentit dhe përcaktimin e shkaqeve që çuan në këtë ngjarje të rëndë.