Qytetarë qëllojnë me vezë makinën e ministrit të Ramës: Hajdut, o hajdut...

Gjatë protestës së zhvilluar para Parlamentit, qytetarët kanë goditur me vezë automjetin e ministrit të Mbrojtjes, Ermal Nufi, ndërsa ai po shoqërohej nga thirrje të forta nga turma.

Protestuesit kanë hedhur vezë në drejtim të makinës së ministrit, duke e shoqëruar momentin me thirrjet: “Hajdut, o hajdut!”.

Ngjarja ndodhi në kohën kur qytetarë të shumtë ishin mbledhur përpara Kuvendit, ku protesta u shoqërua edhe me përplasje mes protestuesve dhe forcave të policisë, të cilat përdorën gaz lotsjellës dhe spraj me piper për shpërndarjen e turmës.