Aksident i rëndë pranë Gramshit, makina del nga rruga dhe rrokulliset disa herë, plagosen dy persona

Një aksident rrugor është regjistruar mesditën e sotme, rreth orës 14:05, pranë Gramshit, ku një automjet ka dalë nga rruga dhe është rrokullisur disa herë.

Sipas informacioneve paraprake, drejtuesi i mjetit ka humbur kontrollin gjatë lëvizjes, duke bërë që automjeti të përfundonte jashtë rruge dhe i përmbysur.

Si pasojë e aksidentit kanë mbetur të plagosur drejtuesi i automjetit dhe një pasagjer që udhëtonte me të.

Të dy janë transportuar në spital për të marrë ndihmë mjekësore, ndërsa nuk dihet ende gjendja e tyre shëndetësore.

Në vendngjarje kanë mbërritur shërbimet e Policisë dhe ekipet e urgjencës, ndërsa grupi hetimor po punon për zbardhjen e plotë të rrethanave të aksidentit.