Aksident në Rrugën e Kombit pranë Rubikut, familja nga Kosova jashtë rrezikut për jetën

Një aksident rrugor është regjistruar në Rrugën e Kombit, në afërsi të Rubikut, ku ka ndërhyrë menjëherë shërbimi i Mbrojtjes nga Zjarri dhe Shpëtimit (MZSH) i Mirditës.

Sipas informacionit paraprak, në automjet udhëtonte një familje me katër anëtarë nga Republika e Kosovës. Fatmirësisht, të gjithë ndodhen jashtë rrezikut për jetën.

Rrethanat e aksidentit janë ende duke u sqaruar nga autoritetet.