Berisha: Në korridoret e SPAK gjeta dengje të mëdha me narko-euro, ishin pushtuar nga paratë e drogës

Kreu demokrat ka folur për mediat në dalje të SPAK. “Institucioni ishte pushtuar nga paratë e drogës”, tha ai.

Kë gjetët në korridoret e SPAK-ut sot Doktor?

Sali Berisha: Në korridoret e SPAK-ut gjeta dengje të mëdha narko-eurosh.

Kishte një dyndje me thasë saqë mezi kalova korridorin.

Arka dhe thasë, thasë dhe arka plot e përplot me narko-euro.

Me një fjalë, institucioni ishte tërësisht i pushtuar nga paratë e drogës.

Prandaj dhe prej të paktën një viti mbahen sekret emrat e dy apo tre zyrtarëve të nivelit më të lartë që udhëtuan bashkë me biznesmenët me një çarter të veçantë nga Tirana në Aruba.

Aty, çuditërisht gjeta edhe gjykatës kushtetues.