Sarri i jep sinjal të fortë Gjimshitit, mbrojtësi shqiptar kapiten në miqësoren e parë të Atalantës

E ardhmja e Berat Gjimshitit te Atalanta ka qenë një nga temat më të diskutuara gjatë kësaj vere, pas emërimit të Maurizio Sarrit në stolin e klubit bergamask.

Trajneri italian njihet për preferencën e tij për një skemë me katër mbrojtës, ndryshe nga sistemi me tre mbrojtës që Gian Piero Gasperini përdori për vite me radhë.

Kjo kishte ngritur pikëpyetje mbi rolin që do të kishte kapiteni i Kombëtares shqiptare në projektin e ri.

Megjithatë, Sarri ka dhënë një sinjal të qartë që në ndeshjen e parë miqësore të verës.

Në testin ndaj ekipit U21 të Atalantës, Gjimshiti ishte titullar dhe mbajti shiritin e kapitenit, një tregues i besimit që tekniku ka ndaj mbrojtësit shqiptar.

Vendimi i Sarrit vjen në një moment kur flitej për një largim të mundshëm të 32-vjeçarit nga Bergamo.

Besimi i treguar në sfidën e parë përgatitore lë të kuptohet se Gjimshiti mbetet një pjesë e rëndësishme e planeve të trajnerit italian.

Tashmë mbetet për t'u parë nëse mbrojtësi shqiptar do ta ruajë këtë rol edhe në ndeshjet e ardhshme dhe gjatë sezonit të ri në Serie A.