Kuvajti: Mbrojtja ajrore ka interceptuar dronë iranianë

Sistemet e mbrojtjes ajrore të Kuvajtit interceptuan sulme me dronë iranianë të enjten, tha Ministria e Mbrojtjes, ndërsa tensionet ushtarake vazhduan të përshkallëzohen në të gjithë rajonin e Gjirit.

Në një deklaratë, ministria tha se sistemet e mbrojtjes ajrore po u përgjigjeshin atyre që i përshkroi si dronë “armiqësorë” pas një sulmi iranian.

Ajo tha se shpërthimet e dëgjuara në disa pjesë të vendit u shkaktuan nga sistemet e mbrojtjes ajrore që interceptuan dronët që po afroheshin.

Ministria u bëri thirrje qytetarëve të respektojnë udhëzimet e sigurisë të lëshuara nga autoritetet përkatëse.

Këto zhvillime ndodhën mes tensioneve në rritje midis Shteteve të Bashkuara dhe Iranit lidhur me Ngushticën e Hormuzit, ndërsa të dyja palët vazhduan të shkëmbenin sulme pavarësisht një memorandumi mirëkuptimi të ndërmjetësuar nga Pakistani, që synonte t’i jepte fund konfliktit dhe të arrihej një marrëveshje paqeje afatgjatë./AA