11 të vdekur dhe 19 të plagosur nga zjarri në një institucion për mirëqenie fëmijësh pranë kryeqytetit të Algjerisë

Të paktën 11 persona u vranë dhe 19 të tjerë u plagosën në një zjarr që shpërtheu në një institucion për mirëqenien e fëmijëve pranë kryeqytetit algjerian të enjten, tha autoriteti i Mbrojtjes Civile të vendit.

Në një deklaratë, autoriteti tha se zjarrfikësit po vazhdonin përpjekjet për të shuar flakët në qendrën e kujdesit për fëmijë në lagjen Mohammadia, në lindje të Algjerit.

Numri i të vdekurve arriti në 11 në një vlerësim paraprak, tha ai.

19 persona u plagosën, përfshirë 10 që pësuan djegie me ashpërsi të ndryshme, 2 që përjetuan vështirësi në frymëmarrje për shkak të thithjes së tymit dhe shtatë u trajtuan për shok.

Pesë persona me aftësi të kufizuara u evakuuan nga objekti dhe u dërguan në një vend të sigurt, tha autoriteti.

Shkaku i zjarrit nuk u bë i ditur menjëherë./AA