VIDEO/ ‘Ishte në mes të portës’, Bellingham shpërthen ndaj Pickford-it, Neville i jep të drejtë mesfushorit anglez
Jude Bellingham nuk e fshehu zhgënjimin pas golit të barazimit të Argjentinës në humbjen 2-1 të Anglisë në gjysmëfinalen e Kupës së Botës 2026. Kamerat kapën reagimin e mesfushorit anglez, i cili dukej i zemëruar me portierin Jordan Pickford pas supergolit të Enzo Fernandez-it.
Sipas pamjeve televizive, Bellingham, pasi pa përsëritjen e aksionit në ekranet e stadiumit në Atlanta, u duk se bërtiti: “Ishte në mes të portës!”, duke lënë të kuptohej se Pickford mund të kishte bërë më shumë për të ndalur goditjen nga distanca të mesfushorit argjentinas.
Jude Bellingham Frustrated with Jordan Pickford: "It's the middle of the goal."
by
u/The_Big_Untalented in
soccer
Fernandez realizoi në minutën e 86-të me një goditje të fuqishme pas një goditjeje këndi të ekzekutuar shkurt, ndërsa Pickford u hodh në të djathtë, por nuk arriti ta devijonte topin.
Në momentin e goditjes, Bellingham ishte lojtari i vetëm anglez që tentoi të bllokonte Fernandezin, ndaj nuk e kishte parë qartë trajektoren e topit dhe iu desh ta shihte aksionin në ekranet e stadiumit për të kuptuar se çfarë kishte ndodhur.
Edhe ish-mbrojtësi i Anglisë, Gary Neville, u shpreh se e kuptonte reagimin e Bellinghamit, duke lënë të nënkuptohet se Pickford mund të kishte pasur mundësi më të mira për të ndërhyrë në atë rast.
Goli i Fernandezit ndryshoi rrjedhën e ndeshjes, ndërsa vetëm pak minuta më vonë Lautaro Martinez realizoi golin e fitores për Argjentinën, duke eliminuar Anglinë dhe duke i siguruar “Albiceleste”-s finalen e madhe ndaj Spanjës.