Alvarez paralajmëron Anglinë: Jam në formën më të mirë, dua ta ndihmoj Argjentinën me gola

Julian Alvarez beson se po kalon momentin më të mirë të tij në Kupën e Botës 2026 dhe shpreson ta konfirmojë këtë edhe në gjysmëfinalen ndaj Anglisë.

Sulmuesi i Argjentinës ishte vendimtar në çerekfinalen ndaj Zvicrës, ku realizoi një gol spektakolar nga distanca në kohën shtesë, duke i siguruar kampionëve në fuqi kualifikimin.

Alvarez u shpreh i lumtur për paraqitjen e tij, por theksoi se objektivi kryesor mbetet suksesi i skuadrës.

"Shënimi i atij goli ishte shumë i rëndësishëm. Jam përmirësuar gjatë gjithë rrugëtimit në Kupën e Botës dhe shpresoj të jem edhe më i mirë në gjysmëfinale. Mbi të gjitha ka rëndësi fitorja e ekipit, por si sulmues dua ta ndihmoj skuadrën duke shënuar gola", deklaroi ai.

Alvarez pranoi se momenti i golit ishte tepër emocionues dhe se e imagjinon atmosferën e krijuar nga tifozët në Argjentinë.

"Më bëri të ndihem vërtet emocional. Mund ta imagjinoj vetëm se çfarë emocionesh kanë përjetuar njerëzit në shtëpi", shtoi sulmuesi argjentinas.

Tashmë, 25-vjeçari synon të jetë edhe një herë protagonist ndaj Anglisë, në sfidën që do të vendosë finalen e Kupës së Botës 2026.