Jo vetëm golat! Ja si do të përcaktohet fituesi i ‘Këpucës së Artë’ në Kupën e Botës

Gara për “Këpucën e Artë” të Kupës së Botës është më e hapur se kurrë, me Kylian Mbappen dhe Lionel Messin që kryesojnë renditjen me nga tetë gola secili, ndërsa dy anglezët, Harry Kane dhe Jude Bellingham kanë nga 6.

Megjithatë, fituesi i çmimit nuk përcaktohet vetëm nga numri i golave.

Sipas rregullores së FIFA-s, në rast se dy ose më shumë futbollistë e mbyllin turneun me të njëjtin numër golash, kriteri i parë vendimtar janë asistimet.

Aktualisht, Mbappe ka një avantazh ndaj Messit, pasi ka regjistruar tre asistime, ndërsa argjentinasi dy.

Nëse edhe asistimet rezultojnë të barabarta, atëherë merret në konsideratë numri i minutave të luajtura gjatë turneut, ku përparësi i jepet lojtarit që ka luajtur më pak minuta.

Me gjysmëfinalet, finalen dhe ndeshjen për vendin e tretë ende për t’u zhvilluar, renditja mund të ndryshojë deri në fund.

Çdo gol, çdo asistim, madje edhe minutat në fushë, mund të rezultojnë vendimtare për fituesin e trofeut individual më të rëndësishëm për golashënuesit në Kupën e Botës.