E rëndë në Kolonjë, ndërron jetë i riu, e zunë poshtë drurët që po ngarkonte në kamion

Ndërron jetë një 36 vjeçar pasi ngarkonte trupa druri në një subjekt privat.

Sipas informacioneve paraprake, mësohet se i riu ishte banues në Pogradec dhe punonte në një subjekt privat të liçensuar për prodhimin e drurit.

Viktima ka shkuar ditën e sotme për të ngarkuar trupa druri në zonën e fshatit Kurtesh të Kolonjës, ndërsa një trup druri i është shkëputur duke e zënë poshtë.

36 vjeçari ka ndërruar jetë në vendin e ngjarjes. Nga ana e grupit hetimor po kryhen veprimet lidhur me rastin.