Zjarr në kodrën e Kuzum Babasë në Vlorë, rrezikohen banesa dhe Teqeja e Kuzum Babasë
Një zjarr ka përfshirë pasditen e kësaj të mërkure kodrën e Kuzum Babasë në Vlorë.
Flakët kanë përfshirë sipërfaqe me shkurre dhe bimësi, ndërsa pas njoftimit për situatën, në vendngjarje kanë mbërritur forcat e shërbimit zjarrfikës të Vlorës.
Zjarrfikësit po punojnë për izolimin dhe shuarjen e flakëve, me qëllim që zjarri të mos përhapet më tej.
Në afërsi të vatrës së zjarrit ndodhen banesa, ndërsa në zonë ndodhet edhe Teqeja e Kuzum Babasë.