Bryan Johnson zbulon se vuan nga një sëmundje autoimune: Stomaku im po ha veten
Sipërmarrësi amerikan dhe biohakeri Bryan Johnson ka bërë një rrëfim të fortë publik, duke zbuluar se është diagnostikuar me gastrit autoimun (Autoimmune Gastritis – AIG), një sëmundje në të cilën sistemi imunitar sulmon rreshtimin e stomakut.
Në një postim të gjatë në rrjetet sociale, Johnson shkroi: “Lajmi i keq: kam një sëmundje autoimune. Stomaku im po ha veten.” Ai shtoi se kjo gjendje prek rreth 2–5% të popullsisë, por mund të jetë edhe më e përhapur, pasi shpesh mbetet e padiagnostikuar për vite me radhë.
Sipas Johnson, diagnoza erdhi vetëm këtë vit, pas më shumë se një dekade analizash që tregonin nivele të ulëta të hekurit pa një shpjegim të qartë. Pas ekzaminimeve të detajuara, analizave të gjakut, endoskopisë dhe biopsive, mjekët konfirmuan gastritin autoimun në fazë të hershme.
Ai shpjegoi se sëmundja mund të shkaktojë mungesë hekuri dhe vitamine B12, anemi, si dhe të rrisë rrezikun për kancer të stomakut në afatgjatë. Johnson theksoi se aktualisht nuk ekziston një kurë e miratuar për këtë gjendje dhe se trajtimi standard fokusohet vetëm në menaxhimin e saj.
Megjithatë, sipërmarrësi, i njohur për projektin e tij Blueprint, ku investon miliona dollarë çdo vit për të ngadalësuar plakjen, tha se ai dhe ekipi i tij do të përpiqen të zhvillojnë qasje të reja terapeutike, duke eksploruar teknologji të avancuara si inteligjenca artificiale, terapitë qelizore dhe imunoterapia.
Në fund të postimit, Johnson dha edhe një mesazh për ndjekësit: “Mungesa e simptomave nuk do të thotë se je i shëndetshëm. Kujdesi për shëndetin është një nga vendimet më të mira që mund të marrësh.”
Bad news #1:
— Bryan Johnson (@bryan_johnson) June 30, 2026
I have an autoimmune disease. My stomach is eating itself.
Bad news #2:
2–5% of people have this, too. Likely more, because it hides.
Good news:
I'm going to try and solve it. Will share all.
As a kid, I ate sugar cereal, drank sugary soda, and gobbled down… pic.twitter.com/EbJ8a916uS