Granit Xhaka nuk shkon në Londër, dështon transferimi te Çelsi

Granit Xhaka nuk do të transferohet te Çelsi. Sipas raportimeve, marrëveshja mes palëve ka dështuar dhe mesfushori do të vazhdojë karrierën te Sunderlandi.

Lajmi vjen si një kthesë e papritur, pasi ditët e fundit ishte raportuar se Çelsi po punonte intensivisht për të siguruar shërbimet e lojtarit zviceran.

Megjithatë duket se tashmë transferimi konsiderohet i mbyllur dhe nuk do të realizohet.

Si pasojë, Sunderland do ta ketë në dispozicion një nga lojtarët më me përvojë të skuadrës edhe për sezonin e ri, ndërsa klubi londinez do të detyrohet të kërkojë alternativa të tjera për përforcimin e mesfushës. Ndonëse nuk përjashtohet të ketë edhe ndonjë rihapje të negociatave në javët e ardhshme.