Kanada-Marok, mbyllet pa gola pjesa e parë

Ka përfunduar pjesa e parë në sfidën mes Kanadasë dhe Marokut, e vlefshme për fazën e 1/8-ave të Kupës së Botës, me rezultatin e barabartë 0-0.

Ndeshja nisi me ritëm të lartë, ku Kanada krijoi disa mundësi të rrezikshme që në minutat e para, por portieri Bono u tregua i vëmendshëm duke ndalur tentativat e sulmuesve kanadezë.

Maroku u përgjigj me kundërsulme të shpejta, duke rrezikuar me Soufiane Rahimi, por pa arritur të gjejë rrugën e rrjetës.

Sfida është karakterizuar nga intensitet i lartë dhe duele të forta në mesfushë, çka ka sjellë edhe disa kartonë të verdhë për të dy skuadrat.

Në fundin e pjesës së parë u akorduan 6 minuta shtesë, por pa ndryshim në rezultat.

Trajnerët pritet të bëjnë ndryshime në pjesën e dytë, në një ndeshje që mbetet plotësisht e hapur për kualifikim në çerekfinale.