Berisha: Kemi depozituar kërkesën për mocion, qeveria refuzon duke shkelur të drejtat kushtetuese të opozitës

Kryetari i PD, Sali Berisha bëri me dije se qeveria refuzon mocionet në shkelje të të drejtave kushtetuese të opozitës, pavarësisht kërkesave të depozituara nga opozita.

Sipas Berishës, kryeparlamentari Niko Peleshi dhe kreu i grupit socialist, Taulant Balla nuk pranojnë t'i fusin në rendin e ditës.

‘...grupi parlamentar vendosi të mos paraqitet në seancë plenare gjersa, gjersa në atë seancë të paraqiten amendamentet për ndryshimin e ligjeve që kërkojnë përfaqësuesit e protestës’, tha Berisha.

Bashkëbisedimi:

Ernest Koçe: I nderuar doktor, pyetja ime lidhet me faktin, nëse është koha e përshtatshme për një mocion mosbesimi ndaj qeverisë.

Sali Berisha: Ju falënderoj zoti Ernest. Ne e kemi depozituar kërkesën për mocion, por qeveria, ashtu siç thotë në raportin dhe rezolutën e Partisë Popullore Europiane, qeveria refuzon dhe shkel të drejtat kushtetuese të deputetëve të opozitës.

Nuk pranon mocionet të cilat janë të përcaktuara në kushtetutë. Ne kemi depozituar, por edhe një sqarim do bëj këtu, ka tre javë që kemi depozituar në Kuvendin e Shqipërisë kërkesën për ndryshimin e ligjeve të kërkuara nga përfaqësia e protestës.

Kryetari i parlamentit dhe në veçanti Taulant Balla me 4 mbiemra nuk pranon t'i fusin në rendin e ditës për shkak, grupi parlamentar vendosi të mos paraqitet në seancë plenare gjersa, gjersa në atë seancë të paraqiten amendamentet për ndryshimin e ligjeve që kërkojnë përfaqësuesit e protestës.