‘Një muaj në protestë paqësorë’/ Revolta e protestuesit: Hodhën gaz pa mëshirë, popullin e kanë kundër

Pas shpërndarjes me gaz lotsjellës, policia shoqëroi disa protestues të tjerë.

Tensione të forta janë regjistruar sërish përpara Kuvendit.

Një qytetar ka bërë thirrje që shqiptarët të bashkohen. Ndërsa theksoi se prej gati një muaji kanë zhvilluar një protestë paqësore, por sot policët hodhën gaz pa mëshirë.

“Kanë hedhur gaz pa mëshirë. Këta sot vepruan kundër popullit. Nga sot popullin do ta kenë kundër. Kemi një muaj me ujë dhe me lule. Ju bëj thirrje të gjithë shqiptarëve të jemi të bashkuar”, tha ai.

Tensionet janë agravuar, teksa Policia ka përdorur masvisht gaz lotsjellës dhe ujë me presion kundër protestuesve.