Studimi: E qeshura spontane dhe e qëllimshme vijnë nga pjesë të ndryshme të trurit

Një studim i ri ka zbuluar se e qeshura spontane dhe ajo e qëllimshme kontrollohen nga dy rrjete të ndryshme në tru. Gjetjet, të publikuara në revistën Trends in Neurosciences, ndihmojnë shkencëtarët të kuptojnë më mirë mënyrën se si funksionon e qeshura dhe rolin e saj në komunikimin mes njerëzve.

Për shkak se është e vështirë të provokohet një e qeshur e sinqertë në laborator, studiuesit analizuan të dhënat nga pacientë me epilepsi, të cilëve u stimulohej truri me impulse elektrike gjatë përgatitjeve për operacion. Në disa raste, kjo stimulonte të qeshurën, ndërsa pacientët përshkruanin ndjesitë e tyre në kohë reale.

Sipas autores së studimit, Sophie Scott nga University CollegeLondon, ekzistojnë dy lloje të të qeshurës. E para është spontane dhe e pavullnetshme, si ajo që shpërthen

Lloji i dytë është e qeshura e qëllimshme, që përdoret kryesisht gjatë bisedave. Ajo kontrollohet me saktësi, fillon dhe mbaron shpejt dhe shërben si pjesë e komunikimit shoqëror.

Studiuesit zbuluan se rrjeti i të qeshurës spontane përfshin zona të trurit që lidhen me emocionet dhe humorin, ndërsa rrjeti i të qeshurës së qëllimshme aktivizon kryesisht zona që kontrollojnë lëvizjet e fytyrës dhe të të folurit.