Maturantët e Pogradecit bashkohen me refrenin e protestës: brohorasin 'Rama jep dorëheqjen'

Në ditën e 32-të të protestës, thirrjet “Rama jep dorëheqjen” nuk dëgjohen më vetëm në rrugët kryesore të Tiranës dhe në bulevardin “Dëshmorët e Kombit”, pranë Kryeministrisë. Ato tashmë janë kthyer në një refren që shfaqet në forma të ndryshme edhe në aktivitete të tjera publike.

Një prej rasteve të fundit u regjistrua në mbrëmjen e maturës 2026. Maturantët e një shkolle në Pogradec kanë zgjedhur pikërisht këtë thirrje për të mbyllur eksperiencën e tyre të gjimnazit, duke e kthyer momentin festiv në një mesazh publik.

Thirrja, e cila prej ditësh është pjesë e protestave, tashmë është bërë pjesë edhe e disa momenteve simbolike jashtë tyre.