VIDEO/ Mbyllet me rezultat surprizë pjesa e parë Angli-RD Kongo

Republika Demokratike e Kongos ka dhënë goditjen e madhe në përballjen ndaj Anglisë, duke e mbyllur pjesën e parë me avantazhin 1-0 në fazën e 1/16-tës së Kupës së Botës.

Goli i vetëm i 45 minutave të para u shënua nga Brian Cipenga në minutën e 7-të.

Sulmuesi kongolez shfrytëzoi një krosim në hyrje të zonës dhe me një goditje të saktë dërgoi topin në cepin e poshtëm të portës së Jordan Pickford.

https://streamin.link/v/f9ac407c

Anglia reagoi menjëherë dhe mori kontrollin e lojës, duke ushtruar presion të vazhdueshëm ndaj mbrojtjes së Kongos, por pa arritur të gjejë golin e barazimit.

Jude Bellingham pati një mundësi të artë në minutën e 30-të, por goditja e tij me kokë u prit në mënyrë spektakolare nga portieri Lionel Mpasi-Nzau.

Rasti më i madh i "Tre Luanëve" erdhi në fundin e pjesës së parë, kur Harry Kane goditi nga shumë afër, por portieri i Kongos bëri një pritje fantastike duke shpëtuar skuadrën e tij.

Edhe Kongoja pati mundësinë për të dyfishuar rezultatin, pasi Yoane Wissa goditi shtyllën në minutën e 42-të pas një aksioni të shpejtë.

Anglia kërkoi edhe një penallti për një ndërhyrje ndaj Kane në zonë, por pas kontrollit të VAR-it, arbitri Adham Makhadmeh vendosi të mos akordojë 11-metërsh.

Në 45 minutat e para, Kongoja po realizon një paraqitje perfekte taktike, ndërsa Anglia duhet të reagojë në pjesën e dytë për të shmangur një nga eliminimet më befasuese të historisë së saj në Kupën e Botës.