Trump: Takimi SHBA-Iran, të martën në Doha

Presidenti i SHBA-së, Donald Trump, deklaroi të hënën se Irani dëshironte një takim dhe se të dyja palët do të takohen të martën në kryeqytetin e Katarit, Doha.

“Irani kërkoi një takim. Ai do të zhvillohet nesër në Doha”, tha Trump në një postim të shkurtër në llogarinë e tij në Truth Social.

Megjithatë, më herët gjatë ditës, zëvendësministri i Jashtëm i Iranit, Kazem Gharibabadi, tha se “nuk janë planifikuar bisedime teknike” me SHBA-në këtë javë në Doha, duke hedhur poshtë raportet e mediave amerikane. Por ai shtoi se konsultimet me ndërmjetësit vazhduan.

Axios kishte raportuar më parë se SHBA-të dhe Irani, pas sulmeve të fundit, ranë dakord të zgjidhnin mosmarrëveshjet e tyre mbi Ngushticën e Hormuzit, të cilën Teherani e mbylli pasi SHBA-të dhe Izraeli nisën sulme në fund të shkurtit.

Të dyja palët nënshkruan një memorandum fillestar për t'i dhënë fund konfliktit në fillim të këtij muaji.