VIDEO/ Kroacia mposht Ganën dhe siguron vendin e dytë në Grupin L

Kroacia tregoi forcën e saj reale ndaj Ganës në përballjen e drejtpërdrejtë për vendin e dytë. Modric me shokë iu imponuan me rezultatin 2-1 kundërshtarëve afrikanë, duke e mbyllur fazën e grupeve me 6 pikë.

Kroacia e ka mbyllur pjesën e parë në epërsi 1-0 ndaj Ganës në ndeshjen e vlefshme për Grupin L të kualifikueseve të Kupës së Botës.

Golin e parë  realizoi Petar Suçiç në minutën e 31-të. Mesfushori mori një pasim të saktë nga Mateo Kovaçiç dhe lëshoi një goditje të jashtëzakonshme nga distanca, duke e dërguar topin në këndin e poshtëm të majtë të portës dhe duke lënë pa reagim portierin kundërshtar.

Kroaci - Ganë 1-0

Croatia [1] - 0 Ghana - Petar Sučić 31'
by
u/50lipaa in
soccer

Më herët, në minutën e 17-të, Nikola Vlaçiç ishte shumë pranë golit, por goditja e tij nga skaji i zonës u ndal nga shtylla e majtë.

Në minutën e 24-t, Ante Budimir kërkoi penallti pasi u rrëzua në zonë pas një dueli me mbrojtësin kundërshtar, por gjyqtari vendosi që loja të vazhdonte.

Edhe Gana pati një mundësi të mirë për të barazuar në minutën e 40-të, kur Antoine Semenyo kaloi me lehtësi një kundërshtar brenda zonës, por goditja e tij përfundoi ngushtë jashtë shtyllës së majtë.

Pas 45 minutave të para, Kroacia kryeson me rezultatin 1-0 dhe është në rrugën e duhur për të marrë tri pikë të rëndësishme.

Gana barazoi rezultatin në minutën e 73-të. Pas një goditjeje dënimi të ekzekutuar nga Ernest Nuamah, topi u harkua në zonë, ku Derrick Luckassen goditi saktë dhe e dërgoi në rrjetë për rezultatin 1:1.

Fillimisht pati dyshime për një pozicion jashtë loje dhe arbitri Drew Fischer u drejtua te monitori për të rishikuar aksionin me ndihmën e VAR-it. Pas verifikimit, goli u konfirmua në minutën e 77-të dhe rezultati mbeti i barabartë.

Në minutën e 78-të, Kroacia hodhi në fushë Mario Pashaliçin, i cili zëvendësoi Mateo Kovaçiçin.

Vetëm katër minuta më vonë, Pashaliçi ishte pranë golit, por portieri Benjamin Asare reagoi në kohë dhe ndali goditjen e tij pranë shtyllës së djathtë.

Megjithatë, në minutën e 83-të erdhi goli i shumëpritur për kroatët. Pas një goditjeje nga këndi të ekzekutuar në mënyrë perfekte nga Luka Modriç, Nikola Vlaçiç kërceu më lart se të gjithë dhe me një goditje të saktë me kokë e dërgoi topin në rrjetë. Topi fillimisht preku shtyllën dhe më pas përfundoi në këndin e poshtëm të majtë të portës, duke i dhënë Kroacisë epërsinë 2-1.