Meta bashkëpunon me Kylie Jenner për lansimin e syzeve inteligjente me AI
Meta ka bashkëpunuar me Meta dhe Kylie Jenner për të sjellë në treg syzet e para inteligjente nën markën e saj, me një çmim fillestar prej rreth 299 dollarësh.
Ndryshe nga modelet ekzistuese si Ray-Ban apo Oakley, produkti i ri është prezantuar me emrin “metaglasses” dhe synon të pozicionohet më shumë si një pajisje teknologjike e përditshme sesa si një aksesor sportiv apo klasik.
Syzet përfshijnë një kamerë të integruar, altoparlantë personalë dhe sistemin Meta AI, i cili lejon përdoruesit të ndërveprojnë me inteligjencën artificiale në kohë reale.
Përdoruesit mund të bëjnë pyetje, të marrin ndihmë në detyra të përditshme dhe të përdorin syzet për të analizuar apo kuptuar më mirë atë që shohin përreth tyre.
Versioni i Kylie Jenner vjen me një dizajn më të rafinuar, me kornizë të hollë ovale, duke synuar ta bëjë produktin më të afërt me modën sesa me teknologjinë e pastër.
Syzet me inteligjencë artificiale po shndërrohen gradualisht në një kategori gjithnjë e më të zakonshme në tregun e pajisjeve inteligjente.