Trump: Zelensky po ia del mjaft mirë në përballjen me luftën në Ukrainë
Presidenti i Shteteve të Bashkuara, Donald Trump, deklaroi të mërkurën se presidenti ukrainas, Volodymyr Zelensky, po ia del “mjaft mirë” në menaxhimin e situatës së krijuar nga lufta mes Rusisë dhe Ukrainës.
“Ai po ia del”, tha Trump gjatë një konference për shtyp në Shtëpinë e Bardhë, duke iu referuar homologut të tij ukrainas.
Komentet e presidentit amerikan vijnë pas zhvillimeve të fundit në samitin e G7, të mbajtur javën e kaluar në Evian, Francë, ku Trump duket se shfaqi një qasje më të afërt ndaj Kievit.
Gjatë samitit, lideri amerikan zhvilloi një takim të gjatë me presidentin ukrainas Volodymyr Zelensky dhe presidentin francez Emmanuel Macron. Edhe pse Trump ka deklaruar vazhdimisht se ruan një marrëdhënie të mirë me presidentin rus, Vladimir Putin, takimet në kuadër të G7-së u interpretuan si një sinjal i mundshëm i afrimit të tij me qëndrimet perëndimore për Ukrainën.
Trump said Zelensky is “doing pretty well” in Ukraine’s war against Russia.
— KyivPost (@KyivPost) June 24, 2026
Asked whether he believes Zelensky is winning, Trump replied that the Ukrainian president is “holding his own” despite heavy casualties on both sides.
“No matter how you look at it, he’s doing pretty… pic.twitter.com/Q73oslUnu3
Presidenti francez Emmanuel Macron e cilësoi samitin e G7 si një “sukses”, veçanërisht për Ukrainën, duke theksuar se kishte vërejtur një “ndryshim shumë themelor në qasje” nga ana e presidentit amerikan ndaj çështjes ukrainase.
Deklaratat e fundit të Trump pritet të nxisin diskutime mbi drejtimin e politikës amerikane ndaj luftës në Ukrainë dhe marrëdhëniet me Rusinë.