Timothée Chalamet dhe Selena Gomez bashkë në projektin e madh të Illumination – zbulohet filmi i ri 'Not Alone'

Timothée Chalamet dhe Selena Gomez do të bashkojnë forcat për herë të parë në një projekt kinematografik, duke qenë protagonistët kryesorë të filmit të animuar Not Alone, prodhim i studios së njohur “Illumination”, e cila qëndron pas suksesëve botërore si Despicable Me dhe The Super Mario Bros. Movie.

Ky projekt shënon gjithashtu debutimin e Timothée Chalamet në botën e animacionit, ku ai do të huazojë zërin e Joe-s, një mekanik raketash introvert që jeton një jetë të qetë dhe të izoluar. Ndërkohë, Selena Gomez do të interpretojë Fran-in, një astrobotaniste brilante e angazhuar në krijimin e raketës së parë në botë me karburant bimor.

Sipas përshkrimit zyrtar, Joe dhe Fran bashkojnë forcat për të realizuar lëshimin e një rakete revolucionare, por shumë shpejt mes tyre lind një tërheqje e veçantë. Megjithatë, asnjëri nuk është i aftë në çështjet e zemrës, gjë që e komplikon situatën.

Gjërat bëhen edhe më të ndërlikuara kur tre alienë të vegjël, të çrregullt por tepër të adhurueshëm, strehohen në shtëpinë e Joe-s, duke sjellë kaos dhe emocione të papritura në zhvillimin e ngjarjeve.

Timothée Chalamet and Selena Gomez are Not Alone - only in theaters April 2027. pic.twitter.com/IQusKBZxO6

— Universal Pictures (@UniversalPics) June 22, 2026