Këndoi pa hixhab në një koncert online, këngëtarja iraniane dënohet me 74 rrahje me kamzhik
Një ngjarje e rëndë ka ndodhur në Iran ku një këngëtare është dënuar me 74 rrahje me kamzhik, pasi u shfaq pa veshur hixhab. Gjykata penale e provincës Qom në Iran dënoi këngëtaren Parastu Ahmadi dhe tetë bashkëpunëtorë të saj me 74 rrahje me kamzhik. Vendimi i gjykatës u dha pas një koncerti live online në dhjetor 2024, ku artistja u shfaq pa veshur hixhab.
Përveç rrahjes me kamzhik atyre iu ndalua edhe mundësia për të udhëtuar jashtë Iranit për dy vite si dhe angazhimi në aktivitetet artisitike. Mediat shkruajnë se autoritetet iraniane i akuzuan të përfshirët për fyerje të mirësjelljes publike dhe për prodhimin e përmbajtjes imorale në internet. Bahar Ghadehari, drejtoreshë e avokimit në Qendrën për të Drejtat e Njeriut në Iran, e quajti dënimin një provë të mëtejshme se situata e të drejtave të njeriut në vend mbetet e pandryshuar.
"Dënimi i Parasto Ahmadi me 74 rrahje me kamzhik për këndim dhe paraqitje pa hixhab zbulon hendekun midis imazhit që regjimi po përpiqet të projektojë dhe realitetit që përjetojnë qytetarët ", tha ajo.
One day after the U.S. signed a deal with the Islamic Republic، the regime in Iran, handed Parastoo Ahmadi 74 lashes for singing on YouTube.
— Masih Alinejad 🏳️ (@AlinejadMasih) June 18, 2026
They call America the Great Satan. And then they flew to the table and signed a deal with the «Devil«. But a woman’s voice scared them… pic.twitter.com/FMJdKD7EGZ
Nga ana tjetër, avokati i të drejtave të njeriut Moin Khazaeli argumentoi se vendimi nuk bazohej në ligjin penal iranian, duke theksuar se as këndimi dhe as prodhimi i veprave muzikore nga gratë nuk janë vepra penale.
Në të njëjtën kohë, ai theksoi se rrahja me kamzhik konsiderohet nga shumë organizata ndërkombëtare si një formë torture dhe trajtimi çnjerëzor, gjë që ngre pyetje serioze në lidhje me përmbushjen e detyrimeve të tij ndërkombëtare nga Irani për të mbrojtur të drejtat e njeriut.
Rasti ka provokuar reagime të forta si brenda Iranit ashtu edhe në diasporën iraniane, me shumë artistë që flasin për një përshkallëzim të represionit kulturor dhe një përpjekje për të frikësuar ata që vënë në dyshim normat e rrepta shoqërore të vendosura nga regjimi.
Another jaw dropping bravery by an Iranian woman. Singer Parastoo Ahmady did a live performance in Iran a few hours ago in an ancient road inn/caravansary.
— Bahman Kalbasi (@BahmanKalbasi) December 12, 2024
This is while the regime not only continues to ban women from singing, it just passed a new law that imposes even more… pic.twitter.com/YMAK6y19Bl