Anija japoneze kalon Ngushticën e Hormuzit, reagon kryeministrja Takaichi

Një anije në pronësi të një kompanie japoneze, me tre anëtarë të ekuipazhit japonez, ka kaluar në mënyrë të sigurt nëpër Ngushticën e Hormuzit të premten dhe ka dalë nga Gjiri, ka njoftuar Ministria e Punëve të Jashtme e Japonisë.

Sipas autoriteteve, anija kishte mbetur e bllokuar në Gjirin Persik për shkak të konfliktit në Iran, por tashmë është duke u lundruar drejt Japonisë. Ministria e Punëve të Jashtme shtoi se qeveria japoneze ka bashkëpunuar ngushtë me Iranin për të mundësuar kalimin e sigurt.

Anija është një cisternë nafte bruto me flamur liberian, në pronësi të kompanisë japoneze Kyoei Tanker, bëri të ditur vetë kompania.

Sipas autoriteteve, të gjitha anijet e lidhura me Japoninë që transportonin ekuipazh japonez tashmë janë evakuuar nga Gjiri.

“Pas nënshkrimit të fundit të një memorandumi mirëkuptimi mes Shteteve të Bashkuara dhe Iranit, qeveria do të vazhdojë të bëjë çdo përpjekje diplomatike për të siguruar rifillimin e menjëhershëm të lundrimit të lirë dhe të sigurt në Ngushticën e Hormuzit”, deklaroi kryeministrja e Japonisë, Sanae Takaichi, në platformën X.

Ndërkohë, 37 anije të tjera të lidhura me Japoninë vijojnë të presin kalimin nëpër Ngushticën e Hormuzit.