Liga e Kampionëve/ Egnatia dhe Drita mësojnë kundërshtarët e raundit të dytë

UEFA Champions League ka hedhur sot shortin për raundin e dytë kualifikues, duke përcaktuar çiftet e mundshme dhe rrugët që mund të ndjekin Egnatia dhe Drita në rast kualifikimi nga raundi i parë.

Fati nuk ka qenë në anën e rrogozhinasve, pasi nëse Egnatia arrin të kalojë Petrokub Hîncești, ajo do të përballet në turin pasues me sllovenët e Celje-s, një skuadër që në vitet e fundit ka treguar rritje të ndjeshme në arenën evropiane dhe ka marrë pjesë rregullisht në fazat e grupeve të kompeticioneve të UEFA-s.

Edhe për Dritën rruga nuk paraqitet më e lehtë. Në rast kualifikimi, skuadra nga Gjilani do të ndeshet me fituesen e çiftit mes KI Klaksvik nga Ishujt Faroe dhe Ħamrun Spartans nga Luksemburgu, një duel që pritet të jetë i ekuilibruar dhe i luftuar.

Shorti ka zbuluar edhe disa prej përballjeve të tjera interesante të raundit, ku spikasin duele mes skuadrave të njohura nga Europa Lindore dhe Veriore, si dhe disa përballje të forta në “Rrugën e Ligës”, ku ekipet më të konsoliduara do të synojnë kualifikimin direkt në fazat më të avancuara.

Për Egnatian dhe Dritën, sfida mbetet e qartë: fillimisht kalimi i raundit të parë, e më pas përballja me kundërshtarë me përvojë më të madhe në arenën ndërkombëtare, në një rrugëtim që premton emocione të mëdha në kualifikueset e Ligës së Kampionëve.

Raundi i dytë

Mjallbi-Linkoln/Inter Klub D’Eskaldes

Tre Fiori-Larne/ Crvena Zvezda

Sabah/TNS-Vardar/KuPS

Ki Klaksvik/Alert Bisen-Kauno Zalgiris/Drita

Arhus-Leç Poznan

Ararat Armenia/Riga – Floriana/ Shamrok Rovers

Borac/Levski Sofja-Vitebsk/Universitatea Krajova

Omonoia-Kairat Almati/Sutjeska

Thun-Dinamo Zagreb

Vikingur Rejkjavik/Gyor ETO-Hapoel Ber Sheva

Flora Talin/Iberia-Slovan Bratislava

Petrokub Hinçeshti/Egnatia – Çelje

Rruga e Ligës

Fenerbahçe-Gornik Zabrze

Shturm Grac-Harts