Presidenti turk dhe sekretari i përgjithshëm i OKB-së diskutojnë zhvillimet rajonale dhe globale

Presidenti turk, Recep Tayyip Erdoğan, zhvilloi një bisedë telefonike me Sekretarin e Përgjithshëm të OKB-së, Antonio Guterres, me të cilën diskutoi zhvillimet rajonale dhe globale, njoftoi të hënën Drejtoria e Komunikimit e Turqisë.

Në një deklaratë në platformën turke të mediave sociale NSosyal, drejtoria tha se Erdogan i tha Guterres se Turqia po punon për të ndihmuar në vendosjen e paqes dhe stabilitetit, veçanërisht në Iran, Gaza dhe në Bririn e Afrikës.

Ai tha se mundësia diplomatike për të zgjidhur çështjet midis SHBA-së dhe Iranit duhet të shfrytëzohet mirë, duke shtuar se bashkësia ndërkombëtare ka përgjegjësi për të parandaluar sabotimin e procesit.

Erdogan tha gjithashtu se vazhdimi efektiv i aktiviteteve të misioneve të OKB-së në Siri është i rëndësishëm dhe se Turqia do të vazhdojë të ofrojë mbështetjen e nevojshme në këtë drejtim.

Gjatë bisedës telefonike u diskutuan edhe zhvillimet e fundit në ishullin e Qipros, si dhe situata humanitare në Gaza dhe Liban, tha drejtoria./ AA.