Pse SPAK nuk nxjerr emrin e zyrtarit të lartë të qeverisë Rama që ka qenë në takimin e ‘Arubës’?
Nga Elton Qyno – Syri.net/
Një operacion i finalizuar ditën e premte nga prokuroria e Posaçme SPAK, fliste me tonelata të tëra kokaine dhe hashashi të trafikuar nga vendet e Amerikës Latine dhe Shqipërisë, drejt vendeve të Bashkimit Europian.
Paralelisht me aktivitetin kriminal, dy grupet kriminale që drejtoheshin nga Artur alias Luçiano Koçeku dhe Alfredo Hamzait, pastronin paratë e drogës në ndërtime të bëra kryesisht në Tiranë dhe zonën e bregdetit të Jugut.
Një dosje hetimore e marë copy-paste nga autoritet Belge, Spanjolle dhe Italiane të cilat në vitin 2021-2022 finalizuan një aksion në 7 shtete, të koduar “Shqiponjat e zeza”, ku dolën në skenë dhe Feliks Osmani së bashku me 3 vëllezërit e tij.
Aktet hetimore që gjykuan me disa të pandehur të arrestuar në këto shtete, o sollën më pas në Shqipëri, për tu “arnuar” për gati 6 vite me rradhë me biseda të aplikacionit “Sky”, me dëshmi bashkëpuntorësh Drejtësie si Erjon Alibej, që ka financuar me shumë se 6 vrasje dhe të dilet më tej në konkluzjonin e 20 masave të arrestit dhe sekuestrimin e dhjetëra pasurive me vlerë qindra milion eurove.
Në këtë dosje, ka dalë dhe bashkëpunimi që kishte Artur Shehu me vëllezërit Osmani. Por sigurisht nga kjo dosje penale u mësua dhe për takimin në Aruba të disa personazheve, emrat të cilëve u publikuan nga gazetarë Belgë dhe Italianë, qysh në vitin 2022.
“Në këto takime, ndër të tjera dhe në shkallë të ndryshme pjesëmarrjeje, marrin pjesë shtetasit Adrian Rama, Elton Memeti, Erjon Rama, Leonard Bishaj, Bujar Shehaj, Alfredo Hamzai dhe Pëllumb Petritaj”, thuhet në dokumentet hetimore.
Një seri takimesh të zhvilluara në Majorka, gjatë vitit 2019 mblodhën disa prej figurave kryesore të grupit, mes tyre Adrian Rama, Elton Memeti, Toni Lipaj, Artur Shehu, Arben Ismailaj, Klodjan Jahja dhe Bujar Shehaj. Në disa prej tyre ka marrë pjesë edhe biznesmeni kosovar Bashkim Osmani.
Por ajo që fshihet nga SPAK është emri i një zyrtari të lartë të qeverisë “Rama”, i cili ka qënë prezent në këto bilaterale të kryer mes emrave të mësipërm.
Zyrtari është identifikuar jo vetëm nga përgjimet por edhe nga process-verbalet e vëzhgimit të këtyre takimeve nga agjentë operacionalë Belgë dhe Italianë.
Megjithëse në dosjen hetimore të sjellë nga autoritet e huaja në SPAK, emri i këtij zyrtari është fare i qartë, çuditërisht nga ana e prokurorisë së posaçme SPAK, ka një kujdes të tepruar për ta mbajtur enigmë emrin e tij.
Kur flitet për pjesën e takimeve, SPAK, jep të gjithë emrat e personave prezent, nuk kursen emrat e personave të tretë përmes të cilëve pretendohet se është bërë pastrimi i parave, jepen emrat e një sërë noterëve ku janë firmosur kontratat, dalin emra oligarkësh, biznesmenësh, por vetëm për një emër nuk bëhet transparenca dhe ai është emri i zyrtarit të lartë të qeverisë “Rama”.
Sot interesi i publikut shqiptar është pikërisht të dijë dhe mësojë se kush ka qënë zyrtari i lartë që merte pjesë në këto takime miqësore apo pune dhe cili ishte funksioni i tij në këto takime
Qytetarët shqiptarë duan të dinë nga SPAK, ky zyrtar i lartë i qeverisë kishte shkuar si koordinator, garantues apo ishte krejt rastësisht në vendin e gabuar dhe kohën e gabuar.