Brazil hap fushatën e Botërorit ndaj Marokut (00:00), një duel gjigant në Grupin C

Brazili nis fushatën në Botërorin 2026 me një përballje të fortë ndaj surprizës së edicionit të kaluar, Marok, në një ndeshje të Grupit C që pritet të jetë ndër më të ndjekurat në fillim të turneut në New Jersey.

Forma e skuadrave

Brazili vjen në këtë sfidë me një formë shumë të mirë, pas tri fitoreve radhazi në miqësore, ku ka shënuar gjithsej 11 gola. Ekipi i drejtuar nga Carlo Ancelotti shihet si një nga favoritët kryesorë për titullin, i cili do të ishte i gjashti në historinë e “Seleçaos”.

Vinícius Júnior mbetet një nga armët kryesore të sulmit, me formë të mirë edhe në ndeshjet e fundit, duke kontribuar me gola dhe asistime si për klubin ashtu edhe për kombëtaren.

Maroku, nga ana tjetër, nuk ka të njëjtën histori të pasur si Brazili, por ka treguar se suksesi në ‘Katar 2022’ nuk ishte rastësi. Afrikanët kanë ardhur në këtë Botëror pas një serie mbresëlënëse, duke përfshirë kualifikim perfekt, triumf në Arab Cup dhe një finale në Kupën e Afrikës.

Në ndeshjet miqësore, skuadra e Mohamed Ouahbi ka mbetur e pamposhtur, duke rritur besimin para një testi të madh si ky ndaj Brazilit.

Përballjet direkte

Historikisht, Brazili ka epërsi ndaj Marokut, me dy fitore në tri përballje të mëparshme, përfshirë një ndeshje në Botërorin 1998. Megjithatë, marokenët kanë treguar se dinë të surprizojnë, pasi kanë fituar përballjen e fundit mes tyre në vitin 2023.

Statistika dhe ecuri

Brazili nuk ka humbur asnjë ndeshje hapëse në 20 Botërorët e fundit, duke regjistruar 17 fitore dhe 3 barazime. Ndërkohë, Maroku nuk ka fituar kurrë ndeshjen e parë në një Botëror.

Një tjetër statistikë interesante është se Maroku ka mbajtur portën e paprekur në pjesën e parë në 24 ndeshje radhazi, ndërsa ndeshjet e Brazilit kanë treguar shpesh gola në minutat e fundit.

Lojtarët kryesorë dhe mungesat

Maroku vjen me disa mungesa të rëndësishme, pasi Nayef Aguerd dhe Abde Ezzalzouli janë të dëmtuar, ndërsa Noussair Mazraoui mbetet në dyshim pas një problemi të pësuar në ndeshjen e fundit miqësore. Nga ana tjetër është konfirmuar zyrtarisht mungesa e Neymar-it te Brazili.

Një superpërballje që premton spektakël në Grupin C, ku Brazili kërkon nisje perfekte, ndërsa Maroku synon të vazhdojë historinë e tij të surprizave në skenën botërore.

Formacionet e mundshme: