SHBA/ Të shtënat në Ohio, plagosen 12 persona, dy autorë në kërkim (VIDEO)
Dymbëdhjetë persona u plagosën nga të shtënë me armë zjarri në festivalin Old West End në Toledo të Ohajos. Incidenti i përgjakshëm ndodhi të shtunën pasdite gjatë festivalit vjetor që mbahet në lagjen historike Old West End të Toledos. Videot e siguruara nga mediat amerikane tregojnë një seri të shtënash me armë zjarri dhe dhjetëra vizitorë që bërtasin dhe vrapojnë për tu fshehur. Zëvendësshefi i Policisë së Toledos, Joe Heffernan, tha se dy personat dyhsohet se po shkëmben zjarr me njëri-tjetrin.
Kryebashkiaku i Toledos, Wade Kapzukiewicz, tha se dy nga të plagosurit janë në gjendje kritike. Ndërsa, zëvendësshefi i policisë, Dan Gerken, tha se të plagosurit ishin të moshës nga 14 deri në 61 vjeç. Njëkohësisht, ai u bëri thirrje banorëve të flasin me fëmijët e tyre dhe të informojnë autoritetet për çdo informacion që kanë në lidhje me incidentin.
BREAKING: Moment shots fired at Old West End Festival in Toledo, Ohio; ‘many victims’ pic.twitter.com/nUoo5IcO9c
— Rapid Report (@RapidReport2025) June 6, 2026
Pavarësisht pranisë së madhe të policisë në zonë, autorët e krimit arritën të iknin. Rrugët e lagjes historike mbeten të bllokuara, ndërsa forca të forta policore vazhdojnë të mbledhin pamje video dhe prova të tjera. Autoritetet u kërkuan pjesëmarrësve në festival të shqyrtonin videot dhe fotot që kishin bërë me telefonat e tyre celularë.
"U bëj thirrje të gjithë banorëve të Toledos të shqyrtojnë videot e tyre të bëra me celularë dhe të ndihmojnë policinë të identifikojë personat përgjegjës", tha Drejtori i Sigurisë Publike të qytetit, George Krall.
BREAKING: ‘Many victims’ after shooting near Old West End Festival in Toledo, Ohio pic.twitter.com/xhVLiir23F
— Rapid Report (@RapidReport2025) June 6, 2026
Dëshmitarët kanë përshkruar skena kaosi menjëherë pas të shtënave. Kevin Berry i tha Associated Press se ishte me miqtë në një park lagjeje duke parë një koncert kur dëgjoi të shtënat e para. Ajo tha se kur ngriti kokën, pa një armë të hedhur përtokë pak më larg dhe oficerët e policisë që kishin arritur në vendngjarje.
Sipas Arkivit të Dhunës me Armë, incidenti është një nga të paktën 170 të shtënat masive të regjistruara në Shtetet e Bashkuara që nga fillimi i vitit. Guvernatori i Ohajos, Mike DeWine, duke komentuar incidentin, tha: “Festivalet verore duhet të jenë vende të sigurta për familjet që të mblidhen së bashku, të lira nga frika e dhunës. Jemi të bindur se autoritetet do t'i gjejnë ata që janë përgjegjës për këtë krim të pakuptimtë.”
🚨🇺🇸 The Toledo festival shooting is still developing.
— Mario Nawfal (@MarioNawfal) June 6, 2026
Multiple victims confirmed near the Old West End Festival, and police say the suspect is STILL on the loose.
A heavy police presence remains as the manhunt continues.pic.twitter.com/0zmtvbhMPZ https://t.co/QEp4qKAhri
Festivali i Old West End është një nga ngjarjet më të mëdha vjetore të Toledos, që përfshin një paradë, muzikë live dhe tregje pleshti në lagjen historike që është shtëpia e një prej përqendrimeve më të mëdha të shtëpive viktoriane në Shtetet e Bashkuara.