Reagimi ndaj Begajt i familjarit të policit të vrarë, Këlliçi: Është akuzë e një qytetari të thjeshtë

Deputeti demokrat Belind Këlliçi ka reaguar me një shënim në faqen e tij në facebook pas reagimit ndaj Presidentit Begaj të një familjari të policit që humbi jetën në Korçë gjatë një operacioni policor.  

“Qeveria të japë shpjegime e të mbajë përgjegjësi, meqë ditën e djeshme në Kuvend zgjodhi heshtjen!”.

“Përse u dërguan efektivë të paspecializuar dhe të pambrojtur për të arrestuar një kriminel të rrezikshëm me precedentë të theksuar penalë”, shtron pyetjen deputeti demokrat.

Postimi i plotë:

Kjo është më shumë se një pyetje e familjarit të policit të ndjerë…

Është akuzë e një qytetari të ndershëm e të thjeshtë shqiptar!

Qeveria të japë shpjegime e të mbajë përgjegjësi, meqë ditën e djeshme në Kuvend zgjodhi heshtjen!

Përse u dërguan efektivë të paspecializuar dhe të pambrojtur për të arrestuar një kriminel të rrezikshëm me precedentë të theksuar penalë?!

Duhet drejtësi për Enea Makollin!

Ngushëllimet më të ndjera e të sinqerta familjes, miqve e dashamirësve.