Rrufeja shfaros tufën me 150 kokë bagëti në Delvinë

Rrufeja ka bërë gjëmën në një tufë bagëtish sot në një mal në Kopaçez.

Ngjarja ka ndodhur paraditen e kësaj të enjteje ku rrufeja ka shfarosur tërësisht kopenë e Arjanit dhe Klement Xhelili, vëllezër.

Nga rrufeja kanë ngelur të vrara rreth 150 kokë bagëti.

Ngjarja ka ndodhur në vendin e quajtur Jomina në fshatin Kopaçez, bashkia Delvinë. Menjëherë ka shkuar në vend veterineri dhe grupi i punës i ngritur nga bashkia Delvinë.