Pas kurorëzimit, Dua dhe Callum shfaqin lumturinë e tyre në një shëtitje romantike

Dua Lipa dhe bashkëshorti i saj, Callum Turner, janë parë më të dashuruar se kurrë gjatë një shëtitjeje me qenin, vetëm pak ditë pas kurorëzimit të tyre.

Çifti u martua në një ceremoni private të dielën në Old Marylebone, e cila u ndoq vetëm nga disa nga miqtë dhe familjarët më të afërt.

Të martuarit e rinj u fotografuan të martën gjatë një shëtitjeje në Londër, duke shijuar momente të qeta dhe intime bashkë.

Callum, 36 vjeç, e përqafonte bashkëshorten e tij ndërsa mbanin duart e njëri-tjetrit në një përqafim të ëmbël.

Ata ishin të veshur thjesht dhe komod: Dua kishte një xhaketë gri në stil trench coat, tuta sportive dhe një palë çizme Ugg, ndërsa ishte pa makijazh, me syze dielli dhe flokët e kapur në bisht.

Ndërkohë, aktori kishte veshur një këmishë të bardhë të hapur mbi një bluzë të bardhë, xhinse të gjera dhe çizme hiking, duke mbajtur edhe një çantë krahu. Qeni i tyre dukej i lumtur duke vrapuar përpara tyre gjatë shëtitjes.

Çifti shfaqej i lumtur, buzëqeshte dhe bisedonte gjatë gjithë kohës. Më vonë, ata takuan një mik dhe u ndalën për një bisedë të shkurtër para se të hipnin në makinë dhe të largoheshin.

Në ditën e dasmës, Dua mahniti të gjithë me një fustan të bardhë, kapelë dhe doreza elegante, ndërsa Callum u shfaq në një kostum blu me kravatë. Tetë miq dhe familjarë qëndruan në të dyja anët e shkallëve të Old Marylebone Registry, duke hedhur konfeti ndërsa çifti, i buzëqeshur, hipi në një taksi të zezë.

Parashikohet që çifti të organizojë edhe një dasmë më të madhe në Sicili të Italisë gjatë kësaj jave.