Referendumi për kreun e PD-së/ Në selinë blu, ngrihet QV 1, votojnë anëtarët e degës 2 dhe këshilli kombëtar

Qendra e katit të dytë e selisë së PD-së shërben sot si qendër votimi për referendumin e votëbesimit ndaj kreut të PD-së Sali Berisha.

Tashmë anëtarët e PD-së kanë nisur të vijnë në qendër për të hedhur votën e tyre.

Komisioneri i QV 1 në një intervistë për Syri Tv informon se në këtë qendër voton dega 2 e PD-së dhe këshilli kombëtar dhe deputetët që kanë të drejtë vote në këtë QV.

Procesi ka nisur i rregullt në orën 08:00 pritshmëritë janë të larta.  Në degën e PD-së nr 2 janë  2020 anëtarë.

"Kemi pritshmëri të larta për pjesëmarrje. Procesi ka nisur i rregullt.  Në degën e PD-së nr 2 janë  2020 anëtarë" tha komisioneri në një lidhje direkte me Syri Tv.

Procesi mbyllet në 18:00.