Lamine Yamal dhe Inés García bëjnë publike lidhjen në festën e Barcelonës

Festimet e Barcelonës për titujt e fituar në La Liga dhe Superkupën e Spanjës u shndërruan në një natë të veçantë, ku vëmendja nuk ishte vetëm te suksesi sportiv, por edhe te jeta private e disa prej ‘yjeve’ të skuadrës.

Në qendër të vëmendjes ishte Lamine Yamal, i cili u shfaq për herë të parë publikisht me të dashurën e tij, influenceren nga Sevilla, Inés García. Çifti u paraqit së bashku në një darkë festive në Castelldefels, duke konfirmuar kështu lidhjen e tyre pas javësh spekulimesh në mediat sportive dhe rozë.

Lamine Yamal llega con Inés García a la fiesta del Barça. @JugoneslaSexta pic.twitter.com/amZnZIrawx

— Josep Soldado Gómez (@JosepSoldado) May 20, 2026

Dyshja ishte parë më parë duke ecur dorë për dore në Greqi, ndërsa dalja e tyre në publik në festën e kampionëve të Barcelonës konsiderohet si konfirmimi zyrtar i marrëdhënies. Festimi u zhvillua në “Casanova Beach Club”, një lokal i njohur që më parë frekuentohej edhe nga legjenda si Ronaldinho gjatë kohës së tij te klubi katalanas.

Edhe pse sezoni i La Ligës nuk ka përfunduar zyrtarisht, drejtuesit e klubit vendosën të organizojnë festën më herët, pasi shumë lojtarë do të bashkohen me kombëtaret e tyre për përgatitjet e Botërorit.

Trajneri Hansi Flick ishte ndër të parët që mbërriti në event, ndërsa nga lojtarët më i përpikti ishte Marc Casadó. Ndërkohë, mungesa më e madhe e mbrëmjes ishte Fermín López, i cili sapo ka kaluar një operacion dhe do të humbasë Botërorin.

Nata festive në Barcelonë u kthye kështu në një kombinim mes suksesit sportiv dhe momenteve personale të lojtarëve të rinj të klubit katalanas.