Al Sharaa merr ‘dhuratën e çmuar’ nga Trump, Presidenti sirian e falenderon publikisht
Presidenti i SHBA-së, Donald Trump, i ka dërguar dy shishe të linjës së tij të parfumeve udhëheqësit të Sirisë, Ahmed al-Sharaa.
Al-Sharaa, presidenti i përkohshëm i vendit, ndau një foto në mediat sociale të martën vonë duke falënderuar Trumpin për "dhuratën e çmuar".
Fotografia tregon dy shishe të parfumit “Victory” të markës Trump me një shënim të personalizuar ku shkruhej: “Ahmed, të gjithë po flasin për foton që bëmë kur të dhashë këtë parfum të shkëlqyer – Në rast se të mbaroi!”
Të dy u takuan në nëntor në Uashington. Videot nga takimi treguan Trumpin duke e spërkatur aromën mbi al-Sharaa, përpara se t'i dhuronte një shishe.
"Disa takime lënë një përshtypje; me sa duket takimi ynë la një aromë", shkroi al-Sharaa në X, duke falënderuar Trumpin për "bujarinë e tij dhe për plotësimin e kësaj dhurate të çmuar".
"Shpirti i atij takimi le të vazhdojë të formësojë një marrëdhënie më të fortë midis Sirisë dhe Shteteve të Bashkuara", shtoi al-Sharaa.
Some meetings leave an impression; ours apparently left a fragrance.
— أحمد الشرع (@AH_AlSharaa) May 19, 2026
Thank you, Mr. President @realDonaldTrump, for your generosity and for topping up this precious gift. May the spirit of that meeting continue to shape a stronger relationship between Syria and the United States. pic.twitter.com/4rVXeYt8zs
Bisedimet në Uashington erdhën muaj pasi Princi i Kurorës Saudite Mohammed bin Salman ndërmjetësoi takimin e tyre të parë ndërsa Trump po vizitonte Riadin në maj.
Al-Sharaa u bë presidenti i përkohshëm i Sirisë pasi udhëhoqi rebelët drejt Damaskut në dhjetor 2024, duke e detyruar diktatorin e hershëm Bashar al-Assad të largohej nga vendi pas gati 14 vitesh luftë civile.
Deri atëherë, al-Sharaa ishte i listuar si terrorist i kërkuar në Shtetet e Bashkuara me një shpërblim prej 10 milionë dollarësh për kapjen e tij për shkak të rolit të tij si komandant militant.
Shpërblimi u tërhoq pasi rebelët e al-Sharaasë rrëzuan al-Asadin.
Xhihadisti i kthyer në president është përpjekur të distancohet nga e kaluara e tij militante, duke kultivuar një imazh kozmopolit./ DPA News.